«Ковчег» — адабий чыгармачылыкты өнүктүрүүгө салым кошуу максатында уюшулган Кыргызстандын жаш авторлорунун бирикмеси. «Ковчегти» түзүүчүлөр 2008-жылдын жай айында көгүлтүр Ысык-Көлдүн жээгинде өткөн эки жумалык «Дебют-2008» семинарында таанышкан (бул долбоор Ч.Айтматов фонду тарабынан уюштурулуп, жазуучулардын жайкы мектеби катары таанымал, анын семинарлары дээрлик 2008-жылга чейин өткөрүлүп келген).
Өз ара кеңешкен соң, 10-12 адамдан турган жаш акын-жазуучулардын тобу адабий чеберчилигин өнүктүрүүнү өз алдынча улантууну көздөп активдүү иш алып бара баштайт. 2008-жылдын 7-сентябры «Ковчегдин» туулган күнү болуп калган.
Ошол эле мезгилде жаш авторлор өз ара баарлашып, бири-бирине чыгармаларын окуп жана шыктарын өнүктүрүүсү үчүн адабий кечелерди уюштуруп туруу ою жаралган. Ошондой кечелердин биринде Кыргызстандын жаш авторлоруна тренинг өткөрүүнү чечишкен. Ал иш-чарада жаш акын-жазуучулар бири-бири менен таанышып, ал эми «Ковчегтегилер» Айтматов фондунун жайкы мектебинен алган билим-тажрыйбасы менен бөлүшмөк. Биринчи тренинг 2009-жылдын 20-21— августунда Бишкекте өттү.
Бүгүнкү күндө «Ковчег» демилгечилер тобу ачык бирикме. Ар бир каалаган жаш адабиятчы «Ковчегтин» катарына кошула алат. Байланыш дареги: kovcheg.kg@gmail.com
----------------------------------------------------------------
